اسلام آباد۔9جنوری(اے پی پی) دمنصوبه بندۍ ٬ پرمختګ او خصوصي اقدامات وفاقي وزير احسن اقبال د انډونيشيا د صدر پرابوو سوبیانتو د پاكستان اولنۍ سركاري دورې څخه وړاندې د پاكستان او انډونيشيا ترمينځه د همكارۍ او تجارت ودې سره اړوندې د وزيراعظم لخوا تشكيل كړې شوې كمېټۍ غونډې مشري وكړه۔ په غونډه كښې د اېس آئي اېف سي سېكرټري ٬ د كامرس وزارت ٬ د خزانې وزارت ٬ د خارجه وزارت او د منصوبه بندۍ وزارت اعلی چارواكو ګډون وكړو۔ په جكارته كښې تعينات د پاكستان سفير د وېډيو لنك دلارې په غونډه كښې خصوصي ګډون كولو۔ په غونډه كښې د انډونيشيا د صدر پاكستان ته په دوره راتللو څخه وړاندې د دواړو هېوادونو ترمينځه په بېلو څانګو كښې همكارۍ او تجارت ته وده وركولو له په مختلفو وړاندېزونو غور وكړے شو۔ په دې موقعه احسن اقبال په خپلو خبرو كښې ووئيل د انډونيشيا صدر په اولني ځل د پاكستان دوره كوي كومه چې دواړو هېوادونو لپاره زياته مهمه ده۔ ده ووئيل دا دوره به كه پاك پروردګار ته منظور وي پاكستان لپاره د تجارت نوې موقعې رامخې ته كړي او دوه اړخيزه اړيكو سره سره اقتصادي او تجارتي همكارۍ ته به خاص پام ګرځولې شي۔ وفاقی وزیر په غونډه كښې چارواكو ته امر وكړو چې د دواړو هېوادونو ترمينځه تجارتي اړيكو ته وده وركولو له دې كوټلي وړاندېزونه مرتب كړې شي۔ احسن اقبال ووئيل د دواړو هېوادونو ترمينځه د تعليم ٬ آئي ټي او سېلګرۍ په څانګو كښې همكاري زياتولو ته اړتيا ده۔ ده د انډونيشيا د حج انتظاماتو هم ستائنه كولو سره ووئيل د انډونیشیا حکومت هر كال د حج په زړه پورې انتظامات كوي او مونږ له به په دې لړ كښې هغوي څخه زده كړه كول وي۔ د غونډې په پايه كښې وفاقي وزير اړوندو وزارتونو ته هدايت وكړو چې د انډونيشيا صدر د پاكستان دورې څخه وړاندې دې ټولو وړاندېزونو او اقداماتو ته حتمي شكل وركړے شي۔
متعلقہ مضامین
-
Bilawal Bhutto praises Sindh budget
-
Committee formed to probe into Irfan Masihs death
-
27 involved in anti-army propaganda identified: FIA
-
Nehal Hashmi takes U-turn on resignation after outburst
-
Student death sparks new anti-India demos in IHK
-
No misadventure by India will go without befitting response
-
Nehal Hashmi expelled by PML-N
-
China-Pakistan Economic Corridor: pitfalls ahead
-
Searching for stability in South Asia
-
PSO inks record-breaking fuel supply agreement with Pakistan Railways
-
Nawaz in JIT: You want a fight? Bring it on
-
Sartaj Aziz expresses sympathies with Bangladesh foreign Minister on landslide losses