اسلام آباد۔24جنوری(اے پی پی) وزیردفاع خواجہ محمد آصف آکھیے پاکستان اتے آذربائیجان وچال نیڑ تے دوستانہ تعلقات ہن جیڑھے جو سانجھے اعتماد، احترام اتے یکجہتی تے قائم ہن ݙوہیں ملکاں دی دوستی آزمودہ اے ،پاکستان آذربائیجان دی توانائی دی صلاحیتاں توں فیدہ چیسی ۔ مشترکہ کمیشن دی تقریب توں خطاب کریندے انہاں ایں ڳالھ تے زور ݙتے جو آذربائیجان کشمیر کاز تے پاکستان دے مؤقف دی غیر متزلزل حمایت کریندا پئے تے ایں طرح پاکستان وی نگورنو کاراباغ دے معاملے تے آذربائیجان دے مؤقف دی حمایت کریندے۔ انھاں دا آکھݨ ہئی جو ݙوہیں ملکاں دی دوستی آزمودہ اے اتے عالمی و علاقائی امور اچ اساں ہم آہنگی دا مظاہرہ کریندے رہیوں۔ خواجہ آصف آکھیے پاکستان اتے آذربائیجان وچال شراکت داری موجود اے جیں دے تحت ݙوہیں ملک مختلف شعبی اچ تعاون کوں ودھارا ݙیندے پئن ۔ انہاں آکھیے پاکستان آذربائیجان دی توانائی دی صلاحیتاں توں فیدہ چیسی تے ݙوہیں ملکاں دی شراکت داری سانجھے مفادات سانڳے فیدہ مند ثابت تھیسی ۔ انہاں آکھی ےدفاعی شعبے اچ تھیوݨ آلے معاہدیں توں ݙوہیں ملکاں دے تعلقات مزید تکڑے تھیسن ، آذربائیجان خطے اچ کلیدی کردار ادا کریسی ، پاکستان ایں شراکت داری کوں مزید وسعت ݙیوݨ چاہندے ، سیاحت دے شعبے اچ سرمایہ کاری دے ٻہوں موقع موجود ہن تے بزنس ٹو بزنس تعلقات دے ودھارے توں ݙوہیں ملکاں اچ سرمایہ کاری اچ ودھارا تھیسی ۔ انہاں آکھیے ثقافتی ورثے دے تحفظ اتے ترویج سانڳے وی ݙوہیں ملکاں وچال تعاون ضروری اے ۔ وزیر دفاع آکھیے ݙوہیں ملکاں ای ویزے دے اجرا اتے براہ راست پروازاں دی سہولت ݙیوݨ سانڳے کم کریندے پئن تاں جو عوامی رابطے کوں مزید ودھارا ݙتا ونڄ سڳے ۔ انہاں ایں امید دا اظہار کیتے جوپاکستان تے آذربائیجان دی شراکت داری مستقبل اچ مزید تکڑی تھیسی تے ݙوہیں ملکاں مشترکہ ترقی اتے خوشحالی سانڳے رل تے کم کریندے رہسن۔
پاکستان تے آذربائیجان دے تعلقات سانجھے اعتماد اتے احترام تے ہن ، وزیر دفاع خواجہ محمد آصف
اسلام آباد۔24جنوری(اے پی پی) وزیردفاع خواجہ محمد آصف آکھیے پاکستان اتے آذربائیجان وچال نیڑ تے دوستانہ تعلقات ہن جیڑھے جو سانجھے اعتماد، احترام اتے...
مضمون کا ماخذ : اسکریچ کارڈ نمبر
